تہران (شِنہوا) ایران کی اسلامی انقلابی گارڈ کور (آئی آر جی سی) نے دعویٰ کیا کہ اس نے دن کے اوائل میں ایران کے ساحلی صوبوں پر امریکی حملوں کے جواب میں اردن، بحرین اور کویت میں موجود امریکی فوجی اڈوں کو نشانہ بنایا۔
آئی آر جی سی نے اپنے سرکاری خبر رساں ادارے سپاہ نیوز کے ذریعے جاری کردہ بیانات میں کہا کہ اتوار کی شام آبنائے ہرمز میں 2’’خلاف ورزی کرنے والے‘‘ جہازوں کو روکنے کے بعد امریکی فوج نے ایران کے متعدد ساحلی فوجی اڈوں پر فضائی حملے کئے۔
آئی آر جی سی کے مطابق جوابی کارروائی کے پہلے مرحلے میں اس کی فورسز نے میزائلوں اور ڈرونز کے ذریعے اردن کے پرنس حسن ایئر بیس پر واقع متعدد بڑے میزائل سائلوز اور ایندھن کے ذخائر کو آگ لگا دی۔
دوسرے مرحلے میں آئی آر جی سی نے دعویٰ کیا کہ اس نے بحرین کے شیخ عیسیٰ میں واقع امریکی اڈے پر ہیلی کاپٹروں کی مرمت کے مراکز، پی-8 نگرانی طیاروں کے ہینگر اور کمانڈ اور ڈرون کنٹرول سنٹر کو نشانہ بنایا۔
آئی آر جی سی کے مطابق تیسرے مرحلے میں کویت میں موجود امریکی اڈوں پر ایندھن کے ڈپو، پیٹریاٹ فضائی دفاعی نظام اور ایف پی ایس ریڈار کی تنصیب کو تباہ کر دیا گیا۔
دوسری جانب امریکی سینٹرل کمانڈ نے اتوار کی شب سوشل میڈیا پلیٹ فارم ایکس پر جاری ایک بیان میں کہا کہ اس نے ایران کے خلاف نئے حملوں کا ایک اور مرحلہ مکمل کیا ہے جس میں ایرانی فضائی دفاعی نظام، ساحلی ریڈار تنصیبات اور میزائل اور ڈرون صلاحیتوں کو نشانہ بنایا گیا۔