بیجنگ (شِنہوا) چینی وزارت خارجہ کے ترجمان نے اعلان کیا ہے کہ چینی وزیراعظم لی چھیانگ 23 سے 24 جون تک دالیان میں منعقد ہونے والے نیو چیمپئنزکے 17ویں سالانہ اجلاس (اے ایم این سی) میں شرکت کریں گے۔
ترجمان نے پیر کے روز بتایا کہ وزیراعظم لی افتتاحی اجلاس میں شرکت کرکے خصوصی خطاب کریں گے، اس کے علاوہ وہ غیر ملکی معززین سے ملاقاتیں کریں گے اور کاروباری برادری کے نمائندوں کے ساتھ گفتگو بھی کریں گے۔
ترجمان نے مزید بتایا کہ بنگلہ دیش کے وزیراعظم طارق رحمان، گنی کے وزیراعظم امادو اوری باہ، قازقستان کے وزیراعظم اولزاس بکتینوف، جمہوریہ کوریا کے وزیراعظم کم من سیوک، منگولیا کے وزیراعظم نیام-اوسور اوچرال اور مونٹی نیگرو کے وزیراعظم میلوجکو سپاجیچ بھی اس سالانہ اجلاس میں شرکت کریں گے۔ اس کے ساتھ ساتھ 90 سے زائد ممالک اور خطوں سے تعلق رکھنے والے سیاسی، کاروباری، تعلیمی اور میڈیا برادری کے 1,700 سے زائد نمائندے اس اجلاس کا حصہ بنیں گے۔