بیجنگ (شِنہوا) چین کے قومی کنونشن سنٹر میں 32 ویں بیجنگ عالمی کتب میلے کا آغاز ہوگیا جس میں 82 ممالک اور خطوں سے 1700 سے زائد نمائش کنندگان شریک ہیں، نمائش میں تقریباً 2 لاکھ 20 ہزار کتابوں کے عنوانات پیش کئے گئے ہیں۔
کمیونسٹ پارٹی آف چائنہ کی مرکزی کمیٹی کے سیاسی بیورو کے رکن اور سی پی سی مرکزی کمیٹی کے محکمہ تشہیر کے سربراہ لی شولی نے پہلے روز میلے کا دورہ کیا اور جائزہ لیا۔
5 روز تک جاری رہنے والا یہ میلہ 60 ہزار مربع میٹر رقبے پر محیط ہے۔ اس میں مقامی، غیر ملکی اور آن لائن اشاعت سمیت دیگر شعبوں کے لئے خصوصی حصے مختص کئے گئے ہیں۔ متحدہ عرب امارات اس سال میلے میں “مہمان خصوصی ملک” کے طور پر شرکت کر رہا ہے۔
میلے میں روس، جرمنی اور اٹلی سمیت 20 سے زائد ممالک نے اپنے قومی گوشے قائم کئے ہیں۔ اس کے علاوہ سپرنگر نیچر، پینگوئن رینڈم ہاؤس اور سینگیج سمیت 30 بڑے بین الاقوامی اشاعتی ادارے بھی اپنی مطبوعات پیش کر رہے ہیں۔
آن لائن پبلشنگ کے سیکشن میں ٹین سینٹ، دوئین اور نیٹ ایز جیسی کمپنیاں آن لائن ادب، گیمز اور متحرک فلموں کے شاہکار پیش کر رہی ہیں۔