سڈنی(نیشنل ٹائمز)ایک آسٹریلوی تھنک ٹینک نے کہا ہے کہ چین آسٹریلیا پر براہِ راست میزائل حملہ کرنے کی صلاحیت رکھتا ہے اور جیسے جیسے بیجنگ طویل فاصلے تک مار کرنے والے اور ہائپر سونک ہتھیار جمع کر رہا ہے اور بحیرہ جنوبی چین میں مصنوعی جزیرے بنا رہا ہے ، یہ خطرہ مزید بڑھ رہا ہے ۔

لووی انسٹی ٹیوٹ کی رپورٹ کے مطابق آسٹریلیا کیلئے بنیادی خطرہ چین کی جانب سے بحری جہازوں، آبدوزوں اور نئے درمیانے فاصلے تک مار کرنے والے بیلسٹک میزائلوں سے ہے جو چین سے آسٹریلیا تک پہنچنے کی صلاحیت رکھتے ہیں۔