لکی مروت (نیشنل ٹائمز) لکی مروت کے علاقہ خیروخیل پکہ میں مقامی افراد نے مسجد میں خود کش حملہ ناکام بنا دیا۔

مقامی ذرائع کے مطابق بروز 12 جون کو ایک خارجی نے خودکش حملے کی نیت سے جمعہ کی نماز کے دوران مسجد کی طرف بڑھنے کی کوشش کی۔

مقامی ذرائع  کا کہنا ہے کہ خوارجی مسجد تک پہنچنے کی کوشش کر رہا تھا لیکن مقامی افراد کی بروقت کارروائی کر کے خوارجی کو مسجد پہنچنے سے پہلے ہلاک کردیا گیا۔

تاہم موٹر سائیکل پر لگا ہوا بارودی مواد پھٹنے سے خودکش دھماکا ہوا جس سے 5 سالہ بچی شہید جبکہ بچوں سمیت 5 افراد زخمی ہو گئے جنہیں اسپتال منتقل کر دیا گیا۔

سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ اس واقعے کے بعد لکی مروت کے عوام میں خوارج کے خلاف شدید غم و غصہ پایا جا رہا ہے ۔