بیجنگ (شِنہوا) چین نے کہا کہ جاپان کی دائیں بازو کی قوتیں عسکریت پسندی کو تیز کرنے کی کوشش کر رہی ہیں اور جاپان میں از سر نو عسکریت پسندی کے رجحانات بڑھ رہے ہیں جو خطے کے امن و استحکام کے لئے خطرہ ہیں۔
چین کی وزارت خارجہ کے ترجمان لین جیان نے روزانہ کی پریس بریفنگ کے دوران ایک سوال کے جواب میں ردعمل دیا جس میں ان رپورٹس کا حوالہ دیا گیا تھا کہ جاپان نے حال ہی میں امریکہ اور فلپائن کے درمیان مشترکہ فوجی مشق “بالیکاتان” کے دوران ٹائپ 88 میزائل فائر کئے۔ یہ دوسری عالمی جنگ کے بعد پہلا موقع تھا کہ جاپان نے بیرون ملک جارحانہ نوعیت کے میزائل استعمال کئے۔