بیجنگ (شِنہوا) چین کی وزارت ٹرانسپورٹ کے مطابق حال ہی میں ختم ہونے والی یوم مئی کی 5 روزہ تعطیلات کے دوران ملک میں بین العلاقائی مسافر دوروں کی ریکارڈ بلند سطح دیکھی گئی۔
وزارت نے بدھ کے روز بتایا کہ منگل کو ختم ہونے والی تعطیلات کے دوران تقریباً 1.52 ارب بین العلاقائی سفری دورے ریکارڈ کئے گئے جو گزشتہ سال کے اسی عرصے کے مقابلے میں 3.49 فیصد اضافہ ہے۔
زمینی سفر بدستور نقل و حمل کا سب سے بڑا ذریعہ رہا، جس کے تحت 1.39 ارب سفری دورے ریکارڈ کئے گئے، جو گزشتہ سال کی نسبت 3.51 فیصد اضافہ ظاہر کرتا ہے۔
ریلوے کے ذریعے سفری دورے 4.6 فیصد بڑھ کر 10 کروڑ 63 لاکھ 80 ہزار تک پہنچ گئے، جبکہ آبی راستوں کے ذریعے سفر 1.37 فیصد کمی کے ساتھ 84 لاکھ 90 ہزار رہا۔ شہری ہوا بازی نے اس عرصے میں ایک کروڑ 5 لاکھ 40 ہزار سفری دورے سنبھالے، جو گزشتہ سال کی نسبت 5.74 فیصد کمی ظاہر کرتا ہے۔
رپورٹ کے مطابق چین میں یوم مئی کی تعطیلات کے دوران سفر میں یہ اضافہ سیاحت، خاندانی ملاقاتوں اور تفریحی سرگرمیوں کی مضبوط طلب کی وجہ سے ہوا۔