واشنگٹن (نیشنل ٹائمز)پنٹاگون نے گزشتہ روز سات بڑی مصنوعی ذہانت (اے آئی)کی کمپنیوں کے ساتھ معاہدوں کا اعلان کیا ہے ، جن کے تحت ان کی ٹیکنالوجی کو خفیہ عسکری نیٹ ورکس میں شامل کیا جائے گا، اس اقدام میں کمپنی اینتھروپک کو اس کے محکمہ دفاع کے ساتھ جاری تنازع کے باعث شامل نہیں کیا گیا۔پنٹاگون کے بیان کے مطابق سپیس ایکس، اوپن اے آئی، گوگل، این ویڈیا، ریفلیکشن، مائیکروسافٹ اور ایمیزون ویب سروسز کو محکمہ دفاع کے انتہائی حساس خفیہ نظاموں میں ضم کیا جائے گا، جو مشن پلاننگ، ہتھیاروں کے ہدف کے تعین اور دیگر عسکری مقاصد کے لئے استعمال ہوتے ہیں۔