بیجنگ (شِنہوا) چین کے مہاجر کارکنوں کی آمدنی میں اضافہ ہوا ہے اور گزشتہ ایک سال کے دوران ان کے معیارِ زندگی میں بھی بہتری آئی ہے۔
قومی ادارہ برائے شماریات کی جانب سے جمعرات کو جاری کردہ ایک سروے میں بتایا گیا ہے کہ 2025 میں ملک میں مہاجر کارکنوں کی مجموعی تعداد 30 کروڑ 11 لاکھ 50 ہزار تک پہنچ گئی جو پچھلے سال کے مقابلے میں 14 لاکھ 20 ہزار زائد ہے اور 0.5 فیصد اضافے کو ظاہر کرتا ہے۔
2025 میں مہاجر کارکنوں کی اوسط ماہانہ آمدنی 5075 یوآن (تقریباً 739 امریکی ڈالر) تک پہنچ گئی جو گزشتہ سال کی نسبت 2.3 فیصد زائد ہے۔ اپنے آبائی علاقوں سے باہر کام کرنے والے افراد کی اوسط ماہانہ آمدنی 5774 یوآن رہی، جو 2.5 فیصد اضافہ ہے جبکہ اپنے رجسٹرڈ قصبوں میں کام کرنے والوں کی اجرت میں 2 فیصد اضافہ ہوا اور ان کی اوسط ماہانہ آمدنی 4,376 یوآن تک پہنچ گئی۔
2025 میں مہاجر کارکنوں کی ملازمتوں میں سروس سیکٹر کا غلبہ برقرار رہا جو مجموعی افرادی قوت کا 54.7 فیصد تھا۔ اس کے برعکس صنعتی شعبے میں کام کرنے والوں کا تناسب 0.2 فیصد پوائنٹس کم ہو کر 44.5 فیصد رہ گیا۔
مہاجر کارکنوں کے معیار میں بھی بہتری دیکھنے میں آئی۔ شہری علاقوں میں فی کس رہائشی جگہ بڑھ کر 24.9 مربع میٹر ہو گئی جو 2024 کے مقابلے میں 0.2 مربع میٹر زائد ہے۔
مہاجر کارکن ان دیہی باشندوں کو کہا جاتا ہے جن کی گھریلو رجسٹریشن زرعی ہوتی ہے اور وہ مقامی سطح پر یا اپنے آبائی علاقوں سے باہر غیر زرعی کام میں سالانہ چھ ماہ یا اس سے زیادہ عرصے تک مصروف رہتے ہیں۔