بیجنگ (شِنہوا) چین کی وزارت تعلیم نے قومی حکمت عملی اور صنعتی ترقی کی بدلتی ہوئی ضروریات کے پیش نظر نئے انڈرگریجویٹ مضامین متعارف کرا دیئے ہیں۔
وزارت نے عام جامعات اور کالجوں کے لئے اپنے تازہ ترین نصابی کیٹلاگ میں 15 بین الشعبہ مضامین شامل کئے ہیں جن میں مستقبل کی روبوٹکس اور برین-مشین سائنس و ٹیکنالوجی شامل ہیں تاکہ ابھرتے ہوئے شعبوں کی ترقی اور ہمہ جہت صلاحیتوں کی بڑھتی ہوئی طلب کو بہتر طور پر پورا کیا جا سکے۔
قومی ترجیحات سے ہم آہنگی کے لئے توانائی سائنس و انجینئرنگ اور گہری زمینی سائنس و انجینئرنگ جیسے نئے مضامین بھی شامل کئے گئے ہیں۔
اس کے علاوہ زرعی روبوٹکس، بائیو مینوفیکچرنگ، ڈیجیٹل ثقافت و سیاحت اور ڈیجیٹل تجارت جیسے مضامین بھی مختلف صنعتوں کی ضروریات پوری کرنے کے لئے کیٹلاگ کا حصہ بنائے گئے ہیں۔
وزارت نے 9 جامعات اور کالجوں میں “مجسم ذہانت” کے مضامین کے قیام کے لئے معاونت فراہم کی ہے جس کا مقصد نئی نسل کی مصنوعی ذہانت کو حقیقی معیشت کے ساتھ گہرائی سے مربوط کرنا اور اعلیٰ معیار کی معاشی و سماجی ترقی کو فروغ دینا ہے۔