بیجنگ (شِنہوا) چین میں 2025 کے اختتام تک ایسے مشترکہ تعلیمی اداروں اور پروگراموں کی تعداد 373 رہی جو پوسٹ گریجویٹ یا اس سے اعلیٰ ڈگریاں فراہم کرتے ہیں، جن میں سے 69 ڈاکٹریٹ پروگرام بھی پیش کرتے ہیں۔
اس سلسلے میں ایک تھنک ٹینک کی جانب سے “سٹڈی ان چائنہ کا انسانیت کے مشترکہ مستقبل کی تعمیر میں کردار” کے عنوان سے رپورٹ جاری کی گئی۔ رپورٹ کے مطابق چین اور غیرملکی مشترکہ تعلیم ایک نئے اور اعلیٰ معیار کی ترقی کے مرحلے میں داخل ہو چکی ہے۔
رپورٹ میں کہا گیا ہے کہ توجہ روایتی “علم کی منتقلی” سے ہٹ کر ایک ایسے ماڈل کی طرف منتقل ہو گئی ہے جو باہمی جدت اور تحقیقی نتائج کی تیاری پر مبنی ہے، جبکہ ماسٹرز اور ڈاکٹریٹ کی سطح کے اعلیٰ پروگراموں میں تیزی سے اضافہ دیکھا جا رہا ہے۔
یہ رپورٹ شِنہوا نیوز ایجنسی کے تھنک ٹینک شِنہوا انسٹی ٹیوٹ کی جانب سے جاری کی گئی۔