چھنگ دو (شِنہوا) چین نے اپنا پہلا کمرشل خلائی معیاری نظام جاری کیا ہے، جس کا مقصد خلائی صنعت کی ترقی میں معیار سازی کے رہنما کردار کو مضبوط بنانا اور کمرشل خلائی سرگرمیوں کی اعلیٰ معیار کی ترقی کو فروغ دینا ہے۔
یہ نیا نظام چین کی قومی خلائی انتظامیہ (سی این سی اے) اور ریاستی انتظامیہ برائے مارکیٹ ریگولیشن کی جانب سے چین کے جنوب مغربی صوبہ سیچھوان کے دارالحکومت چھنگ دو میں جمعہ کے روز ملک کے 11 ویں سپیس ڈے کی افتتاحی تقریب کے موقع پر جاری کیا گیا۔ یہ نظام راکٹوں، سیٹلائٹس، لانچ سائٹس، خلائی خدمات اور صنعتی نظم و نسق پر مرکوز ہے۔
اس نظام میں 6 بڑے شعبے ہیں جن میں صنعتی نظم و نسق، تحقیق و ترقی اور تیاری، لانچ اور ٹی ٹی اینڈ سی (ٹیلی میٹری، ٹریکنگ اور کمانڈ)، خلائی اطلاقی خدمات، بنیادی و مشترکہ امور اور سہولیات و آلات شامل ہیں۔ اس میں ایک ہزار سے زائد معیاری نکات شامل کرنے کا منصوبہ ہے جو بین الاقوامی اور قومی دونوں سطح کے معیارات کا احاطہ کرتے ہیں۔
سی این سی اے کے مطابق وہ کمرشل خلائی معیاری نظام کے اعلیٰ سطح کے ڈیزائن کو مزید بہتر بنائے گی، معیارات کی موثر فراہمی کو تیز کرے گی، ایک کمرشل خلائی معیاری سروس پلیٹ فارم تیار کرے گی اور کمرشل خلائی شعبے کی اعلیٰ معیار کی ترقی کی حمایت جاری رکھے گی۔