بیجنگ (شِنہوا) چین کی وزارت تجارت نے اعلان کیا ہے کہ اس نے قومی سلامتی اور مفادات کے تحفظ اور عدم پھیلاؤ کی بین الاقوامی ذمہ داریوں کو پورا کرنے کے لئے یورپی یونین (ای یو) کے 7 اداروں کو اپنی برآمدی کنٹرول فہرست میں شامل کرنے کا فیصلہ کیا ہے۔
وزارت کی جانب سے جمعہ کے روز جاری کردہ اعلامیے کے مطابق برآمد کنندگان پر ان 7 اداروں کو دوہرے استعمال کی اشیاء برآمد کرنے پر پابندی عائد کر دی گئی ہے۔ ان اداروں میں ایف این ہرسٹل، فیبرک نیشنل ڈی ہرسٹل، اومنی پول اے ایس، ہین سولڈٹ اے جی، ایکسکیلیبر آرمی سپول ایس آر او، سپیس نو انکارپوریشن، اوڈ سٹپنی زیوڈ ایس آر او، وی زیڈ ایل یو ایئرو سپیس اے ایس اور ایف این براؤننگ شامل ہیں۔
وزارت نے مزید کہا کہ غیر ملکی تنظیموں اور افراد پر بھی چین سے تعلق رکھنے والی دوہرے استعمال کی اشیاء ان اداروں کو منتقل کرنے یا فراہم کرنے پر پابندی ہے۔ وزارت تجارت کا کہنا ہے کہ اس وقت جاری ایسی تمام متعلقہ سرگرمیوں کو فوری طور پر روکنا ہو گا۔