فرینکفرٹ(نیشنل ٹائمز))جرمنی میں سرمایہ کاروں کا اعتماد اپریل میں تین سال کی کم ترین سطح پر پہنچ گیا، کیونکہ مشرق وسطیٰ کی جنگ یورپ کی سب سے بڑی معیشت کی نازک بحالی کو خطرے میں ڈال رہی ہے ۔زیڈ ای ڈبلیو سروے کے مطابق سرمایہ کاروں کا اعتماد گزشتہ ماہ 16اعشاریہ7 پوائنٹس گر کر منفی17اعشاریہ2تک پہنچ گیا۔ توانائی کی بڑھتی قیمتوں اور خلیج ہرمز کی بندش نے کیمیکل اور دھاتوں کی صنعتوں پر شدید اثر ڈالا۔ صنعتی رہنما این گراس مین نے کہا کہ مستقبل کی منصوبہ بندی اور سرمایہ کاری مشکل ہو گئی ہے کیونکہ توانائی کے اخراجات غیر متوقع ہیں۔