اسلام آباد (شِنہوا) وزیر دفاع خواجہ آصف نے ایران اور امریکہ کے درمیان مذاکرات کی بحالی کے حوالے سے امید کا اظہار کرتے ہوئے کہا ہے کہ اسلام آباد میں حالیہ بات چیت کے بعد جلد ہی مذاکرات کا نیا دور متوقع ہے۔
مقامی میڈیا سے گفتگو کرتے ہوئے وزیر دفاع نے کہا کہ مذاکراتی عمل کے جاری رہنے کے اب بھی امکانات موجود ہیں۔ انہوں نے بات چیت کے بعد مجموعی فضا کو مثبت اور حوصلہ افزا قرار دیا۔
وزیر دفاع نے اس بات کی نشاندہی کی کہ اب تک مذاکرات سے کوئی منفی اشارے سامنے نہیں آئے۔
خواجہ آصف نے اس بات کا اعادہ کیا کہ پاکستان دیگر ممالک کے ساتھ مل کر سفارتی کوششوں کی حمایت جاری رکھے ہوئے ہے۔ انہوں نے دونوں فریقوں پر زور دیا ہے کہ وہ جنگ بندی برقرار رکھیں اور بات چیت کے ذریعے حل تلاش کریں۔
خواجہ آصف نے کہا کہ صرف مثبت پیش رفت سامنے آ رہی ہے۔ امید ہے آئندہ مذاکراتی ادوار بامعنی نتائج تک پہنچ سکتے ہیں۔