بیجنگ (شِنہوا) چین کے صدر شی جن پھنگ نے زور دیا ہے کہ چین اور سپین کو تجارت، نئی توانائی اور سمارٹ معیشت سمیت مختلف شعبوں میں تعاون کو مضبوط بنانا چاہیے اور ثقافت، تعلیم، سائنسی تحقیق اور کھیلوں میں تبادلوں کی حوصلہ افزائی کرنی چاہیے۔
شی جن پھنگ نے چین کے سرکاری دورے پر آئے سپین کے وزیراعظم پیڈرو سانچز سے ملاقات کے دوران کہا کہ چین اور سپین کو مواقع سے فائدہ اٹھانا چاہیے اور جدت پر مبنی ترقی کو فروغ دینا چاہیے۔ انہوں نے کہا کہ دونوں ممالک کو اپنی جامع تزویراتی شراکت داری کو مزید موثر بنا کر عوام کے لئے زیادہ فوائد حاصل کرنے چاہئیں۔