بیروت(نیشنل ٹائمز) جنوبی لبنان میں قصبہ معرکہ پر اسرائیلی حملوں کے نتیجے میں خاتون سمیت 5 افراد جان کی بازی ہار گئے۔
لبنانی میڈیا کی رپورٹس کے مطابق اسرائیلی فوج نے بطولے اور شہابیہ کے علاقوں کو بھی بمباری کا نشانہ بنایا، جہاں متعدد افراد زخمی ہوئے ہیں، اس سے قبل جنوبی قصبے حبوش میں ایک حملے میں 2 بچیاں جاں بحق اور 22 افراد زخمی ہوئے تھے۔اسرائیلی فوج نے جنوبی لبنان کے علاقے کفر حتہ کے رہائشیوں کو فوری انخلا کی ہدایت بھی جاری کر دی ہے۔اسرائیلی فوج کے عربی زبان کے ترجمان اویخائے ادرعی نے کہا ہے کہ علاقے کے مکین فوری گاؤں سے کم از کم ایک ہزار میٹر دور منتقل ہو جائیں، کیونکہ فوج جلد اس علاقے میں شدید کارروائی کرنے والی ہے۔