کراچی (نیشنل ٹائمز) سوئی سدرن نے عیدالفطر کے موقع پر گیس فراہمی کے لیے نیا شیڈول جاری کیا ہے، جس کے مطابق چاند رات سے عید کے پہلے دن گیس دن بھر دستیاب رہے گی۔

شیڈول کے مطابق:

• عید کے پہلے دن رات 12 بجے تک گیس کی فراہمی بلا تعطل جاری رہے گی۔
• عید کے دوسرے روز رات 12 بجے سے صبح 6 بجے تک گیس معطل رہے گی۔
• عید کے تیسرے روز صبح 6 بجے سے رات 12 بجے تک گیس دستیاب ہوگی۔
• عید کے چوتھے روز صبح 6 بجے سے رات 10 بجے تک گیس فراہم کی جائے گی۔
• 24 مارچ سے رات 10 بجے سے صبح 5 بجکر 30 منٹ تک گیس کی معطلی کا سابق شیڈول بحال ہوگا۔

سوئی سدرن نے بتایا کہ گیس لائن پیک کو متوازن رکھنے اور پریشر برقرار رکھنے کے لیے تمام ضروری اقدامات کیے گئے ہیں۔