اسلام آباد (نیشنل ٹائمز) وزیراعظم شہباز شریف اور ترکیے کے صدر رجب طیب اردوان کے درمیان ٹیلیفونک رابطہ ہوا جس میں باہمی مفاد اور علاقائی تعاون کے لیے قریبی رابطہ برقرار رکھنے پر اتفاق کیا گیا۔
اعلامیے کے مطابق دونوں رہنماؤں نے عید کے موقع پر ایک دوسرے کو مبارکباد دی اور امت مسلمہ کے لیے امن، اتحاد اور خوشحالی کی دعا کی۔
وزیراعظم شہباز شریف نے خطے میں بڑھتی کشیدگی پر تشویش کا اظہار کرتے ہوئے ترکیے پر میزائل حملوں کی مذمت کا اعادہ کیا۔
انہوں نے کہا کہ پاکستانی قوم مشکل وقت میں اپنے ترک بھائیوں اور بہنوں کے ساتھ کھڑی ہے۔
اعلامیے میں کہا گیا کہ دونوں رہنماؤں نے اس بات پر اتفاق کیا کہ خطے میں کشیدگی کا حل صرف مذاکرات اور سفارتکاری کے ذریعے ہی ممکن ہے۔
ٹیلیفونک گفتگو کے دوران افغانستان کی صورتحال پر بھی تبادلہ خیال کیا گیا جبکہ وزیراعظم نے پاک افغان عارضی جنگ بندی کے حوالے سے ترکیے کے کردار کو سراہا۔
دونوں رہنماؤں نے باہمی مفاد کے امور اور علاقائی تعاون کے فروغ کے لیے قریبی رابطہ جاری رکھنے کے عزم کا اعادہ کیا۔
وزیراعظم شہباز شریف کا ترکیے کے صدر رجب طیب اردوان سے ٹیلیفونک رابطہ ہوا جس میں وزیراعظم اور ترک صدر طیب اردوان کے درمیان عید کی مبارکباد کا تبادلہ ہوا۔
اعلامیے کے مطابق دونوں رہنماؤں نے امتِ مسلمہ کے لیے امن، اتحاد اور خوشحالی کی دعا بھی کی۔
اعلامیے میں کہا گیا کہ وزیراعظم نے خطے میں کشیدگی بالخصوص ترکیے پر میزائل حملوں کی مذمت کا اعادہ کیا۔
وزیر اعظم شہباز شریف نے کہا کہ پاکستانی قوم ان مشکل حالات میں ترک بھائیوں اور بہنوں کے ساتھ کھڑی ہے۔
اعلامیے کے مطابق دونوں رہنماؤں نے اتفاق کیا کہ کشیدگی کا حل مذاکرات اور سفارتکاری کے ذریعے ہی ممکن ہے۔
اس کے علاوہ دونوں رہنماؤں نے افغانستان کی صورتحال پر بھی تبادلہ خیال کیا۔ وزیراعظم نے پاک افغان عارضی جنگ بندی سے متعلق ترکیے کے کردار کا اعتراف کیا۔
دونوں رہنماؤں نے باہمی مفاد اور علاقائی تعاون کے لیے قریبی رابطہ برقرار رکھنے پر اتفاق کیا۔
