بیجنگ (شِنہوا) چائنہ کوسٹ گارڈ (سی سی جی) نے چین کے دیاؤ یو ڈاؤ کے علاقائی سمندر میں داخل ہونے والی ایک جاپانی ماہی گیر کشتی کو وہاں سے بھگا دیا۔
سی سی جی نے اپنے بیان میں کہا کہ اس نے قانون کے مطابق ضروری اقدامات کئے اور کشتی کو نکالنے کے لئے وارننگ جاری کی۔ بیان میں جاپان پر زور دیا گیا کہ وہ متعلقہ پانیوں میں تمام خلاف ورزیوں اور اشتعال انگیز کارروائیوں کو فوری طور پر بند کرے۔
بیان میں مزید کہا گیا کہ ہم دیاؤ یو ڈاؤ کے اطراف کے پانیوں میں حقوق کے تحفظ اور قانون نافذ کرنے کی کارروائیاں جاری رکھیں گے تاکہ چین کی خودمختاری اور سمندری حقوق و مفادات کا بھرپور دفاع کیا جا سکے۔
چائنہ کوسٹ گارڈ نے اپنی سمندر حدود میں داخل ہونے والی جاپانی کشتی کو بھگا دیا
