واشنگٹن (شِنہوا) امریکی صدر ڈونلڈ ٹرمپ نے کہا ہے کہ وہ اس وقت ایران کے خلاف جاری فوجی مہم ختم کرنے کے لئے کسی معاہدے کے لئے تیار نہیں ہیں کیونکہ ابھی شرائط ٹھیک نہیں ہیں۔
انہوں نے این بی سی نیوز کو ایک انٹرویو میں ایران کے ساتھ جنگ کے خاتمے کے بارے میں کہا کہ ایران معاہدہ کرنا چاہتا ہے اور میں ابھی یہ معاہدہ نہیں کرنا چاہتا کیونکہ شرائط ابھی ٹھیک نہیں ہیں۔ انہوں نے مزید کہا کہ کسی بھی معاہدے کی شرائط بہت مضبوط ہونی چاہئیں۔
ٹرمپ نے اپنی ممکنہ شرائط کی تفصیل بتانے سے گریز کیا، تاہم انہوں نے کہا کہ جنگ بندی کے لئے ایران کا اپنے تمام جوہری عزائم مکمل طور پر ترک کرنے کا وعدہ ان شرائط کا حصہ ہوگا۔