موغادیشو (شِنہوا) چین نے صومالیہ بھر میں جاری خشک سالی سے متاثرہ افراد کے لئے 20 لاکھ امریکی ڈالر عطیہ کردیے ہیں۔ صومالیہ میں خشک سالی سے 65 لاکھ افراد کو شدید غذائی قلت کا خدشہ ہے۔
صومالیہ میں چینی سفیر وانگ یو نے عطیہ صومالی ڈیزاسٹر مینجمنٹ ایجنسی (ایس او ڈی ایم اے) کے حوالے کیا اور خشک سالی سے نمٹنے کی کوششوں میں صومالیہ کی حکومت کو مدد فراہم کرنے کی یقین دہانی کرائی۔
انہوں نے کہا کہ ہمارے دل تمام صومالی عوام کے ساتھ ہیں۔دسمبر 2025 میں چینی حکومت نے اودال کے علاقے میں خشک سالی سے نمٹنے کی امدادی کوششوں کے لئے 10 لاکھ ڈالر کی نقد مدد فراہم کی تھی۔اس وقت چین وہ واحد بڑا ملک تھا جس نے صومالیہ کو مدد فراہم کی تھی۔انہوں نے کہا کہ آج میں اعلان کر رہا ہوں کہ چینی حکومت انسانی امداد کی نئی کھیپ فراہم کرے گی، جس میں 20 لاکھ امریکی ڈالر کی نقد رقم شامل ہے تاکہ آفت سے متاثرہ بعض علاقوں میں پانی کی فراہمی، طبی سہولیات اور انسانی امداد کی فراہمی کے منصوبوں کے لئے مدد دی جا سکے۔
ایس او ڈی ایم اےکے کمشنر محمد معلم عبد اللہ نے چین کی حمایت پر شکریہ ادا کیا اور کہا کہ یہ مالی امداد 72 اضلاع میں خشک سالی سے متاثرہ کمیونٹیز کی مدد کرے گی، جن میں سے 45 اضلاع شدید ہنگامی حالات کا سامنا کر رہے ہیں اور ترجیح بچوں، خواتین اور نازک صورت حال والے خاندانوں کو دی جائے گی۔