واشنگٹن (شِنہوا) این بی سی نیوز نے متعدد ذرائع اور دو امریکی حکام کا حوالہ دیتے ہوئے رپورٹ کیا ہے کہ امریکی صدر ڈونلڈ ٹرمپ نے نجی طور پر ایران میں امریکی زمینی افواج کی تعیناتی میں سنجیدہ دلچسپی کا اظہار کیا ہے۔

رپورٹ میں امریکی حکام، ایک سابق امریکی عہدیدار اور اس بات چیت کا علم رکھنے والے ایک شخص کا حوالہ دیتے ہوئے کہا گیا ہے کہ ٹرمپ نے وائٹ ہاؤس کے باہر اپنے معاونین اور ریپبلکن حکام کے ساتھ زمینی افواج کی تعیناتی کی تجویز پر تبادلہ خیال کیا ہے، جس میں زمینی فوج کے چھوٹے دستے کو بڑے پیمانے پر حملے کے بجائے مخصوص سٹرٹیجک مشن کے لئے ایران میں تعینات کرنے پر غور کیا گیا ہے۔ تاہم اس حوالے سے کوئی فیصلہ نہیں کیا گیا۔