اسلام آباد (نیشنل ٹائمز) شہر اقتدار میں موسم بہار کی آمد کے ساتھ ہی پولن الرجی کا مرض بڑھ جاتا ہے ،سی ڈی اے کی جانب سے پولن پھیلانے والے جنگلی شہتوت کے درختوں کی بڑے پیمانے پر کٹائی کے باوجود فروری میں 6ہزار 640افراد پولن الرجی سے متاثر ہوئے ہیں ۔ قومی ادارہ صحت کے مطابق فروری 2026 میں 6640 پولن الرجی کیسز سامنے آئے ، مارچ میں اب تک 5 ہزار سے زائد مریض پولن الرجی کا شکار ہوئے ہیں۔ فروری 2025 میں 7360 ،مارچ 2025 میں 4782، اپریل میں 9373 اور مئی 2025 میں 7258 مریض پولن الرجی کا شکار ہوئے تھے ۔