اقوام متحدہ (شِنہوا) غزہ کی پٹی میں اقوام متحدہ کے امدادی اداروں اور ان کے شراکت داروں نے رمضان کے دوران انتہائی ضروری امداد لانے پر عائد پابندیاں فوری ختم کرنے کی اپیل کی ہے۔
اقوام متحدہ کے رابطہ دفتر برائے انسانی امور (او سی ایچ اے) نے کہا کہ اسرائیلی حکام کی جانب سے امدادی سامان کی زیادہ تعداد کو مسترد کرنے کی وجہ سے مصر سے امدادی سامان کی آمد انتہائی کم رہی ہے۔ شراکت دار مسلسل درخواست کر رہے ہیں کہ اردن سے حکومتی سطح پر قافلے دوبارہ چلائے جائیں تاکہ خوراک سمیت زیادہ مقدار میں سامان پہنچایا جا سکے۔
او سی ایچ اے نے کہا ہے کہ شراکت دار رمضان میں روزے کے اوقات کے مطابق کھانے کی تیاری اور تقسیم کا وقت ترتیب دے رہے ہیں اور انہوں نے فراہم کئے گئے کھانوں میں تازہ سبزیاں اور پروٹین کی مصنوعات بھی شامل کی ہیں۔ فروری کے وسط تک 20 سے زیادہ شراکت دار روزانہ 17 لاکھ سے زیادہ کھانے 180 لنگر خانوں کے ذریعے تیار اور تقسیم کر رہے تھے۔