براٹیسلاوا،دمشق (نیشنل ٹائمز)امریکی وزیر خارجہ مارکو روبیو نے کہا ہے کہ امریکا شام کی موجودہ صورتحال کے رخ سے مطمئن ہے ، اگرچہ بعض دن تشویشناک بھی رہے ۔ براٹیسلاوا میں گفتگو کرتے ہوئے امریکی وزیر خارجہ کا کہنا تھا کہ شامی معاملات درست سمت میں آگے بڑھ رہے ہیں اور اس پیشرفت کو برقرار رکھنا ضروری ہے ۔ انہوں نے بتایا کہ بعض اہم معاہدے طے پا چکے ہیں۔ تاہم ان کا کہنا تھا کہ شامی حکومت اور کرد معاہدے کو عملی جامہ پہنانا ضروری ہے ، جس کے لیے سنجیدہ کوششیں درکار ہیں۔دوسری جانب شامی فوج نے شمال مشرقی شام میں ایک اور فوجی اڈے شَدّادی کا کنٹرول سنبھال لیا ۔ شامی حکام کے مطابق یہ کارروائی امریکا کے تعاون اور ہم آہنگی کے بعد ممکن ہوئی۔