گوانگژو (شِنہوا) اوبر اور چینی ٹیک کمپنی وی رائڈ نے متحدہ عرب امارات (یو اے ای) کے دارالحکومت ابوظہبی کے وسطی علاقے میں پہلی کمرشل روبوٹیکسیسروس شروع کرنے کا اعلان کیا ہے۔ابوظہبی کے انٹیگریٹڈ ٹرانسپورٹ سینٹر کے تعاون سے شروع کی جانے والی یہ سروس اب شہر کے اہم مقامات پر دستیاب ہے، جو ابوظہبی کے تقریباً 70 فیصد مرکزی علاقوں کا احاطہ کرتی ہے۔مقررہ علاقوں کے اندر سفر کرنے والے مسافر اوبر کمپورٹ یا اوبر ایکس ایپ کے ذریعے آٹو پائلٹ ٹیکسیاں منگوا سکتے ہیں یا براہ راست خودکار کیٹیگری کے تحت اوبر ایپ پر بکنگ کر سکتے ہیں۔ فی الحال ہر گاڑی میں ایک حفاظتی آپریٹر موجود ہوتا ہے جسے مرحلہ وار مکمل طور پر بغیر ڈرائیور کے آپریشنز میں تبدیل کر دیا جائے گا۔وی رائڈکا کہنا ہے کہ آٹو پائلٹ سروس کی یہ توسیع متحدہ عرب امارات میں وی رائڈ اور اوبرکے درمیان شراکت داری کے تیز رفتار پھیلاؤ کو ظاہر کرتی ہے جو ملک کے جدید سفری وژن میں معاون ثابت ہو رہی ہے۔فروری 2026 میں طے پانے والے تعاون کے روڈ میپ کے مطابق، دونوں کمپنیاں 2027 کے اوائل تک مشرقِ وسطیٰ میں اپنے روبوٹیکسی بیڑے کو کم از کم 1,200 گاڑیوں تک بڑھانے کا ارادہ رکھتی ہیں۔ ابوظہبی کے علاوہ ان آپریشنز کا دائرہ کار دبئی اور ریاض جیسے بڑے شہروں تک پھیلایا جائے گا۔2017میں قائم ہونے والی وی رائڈ ایک چینی ٹیک فرم ہے جو خودکار ڈرائیونگ کی تحقیق کے لیے وقف ہے اور یہ روبوٹیکسیوں، روبو بسوں اور ڈرائیور کی معاونت کے جدید حل فراہم کرتی ہے۔ یہ کمپنی 11 ممالک کے 40 سے زائد شہروں میں خودکار ڈرائیونگ کی تحقیق، جانچ اور آپریشنز کر چکی ہے۔اب تک اس نے مشرقِ وسطیٰ میں 200 سے زائد روبوٹیکسی تعینات کر دی ہیں۔