بیجنگ (شِنہوا) چین کے زرمبادلہ کے ذخائر جنوری 2026 کے اختتام پر 33.991 کھرب امریکی ڈالر تک پہنچ گئے جو گزشتہ سال دسمبر کے اختتام کے مقابلے میں 41.2 ارب ڈالر یا 1.23 فیصد کا اضافہ ظاہر کرتے ہیں۔
ریاستی انتظامیہ برائے زرمبادلہ کے مطابق جنوری میں امریکی ڈالر انڈیکس میں کمی آئی جبکہ عالمی سطح پر اہم مالیاتی اثاثوں کی قیمتوں میں مجموعی طور پر اضافہ ہوا جس پر بڑی معیشتوں کی مالی اور زرمبادلہ پالیسیوں اور مارکیٹ کی توقعات کا اثر رہا۔
ادارے نے بتایا کہ شرح مبادلہ میں تبدیلی اور اثاثہ جاتی قیمتوں میں اتار چڑھاؤ کے مشترکہ اثرات نے اس مہینے چیین کے زرمبادلہ کے ذخائر کے اضافے میں کردار ادا کیا۔
بیان میں مزید کہا گیا ہے کہ چین کی معیشت مستحکم اور بہتر ہوتی کارکردگی کا مظاہرہ کرتی رہی، جس میں ترقی کی لچک مزید مضبوط ہوئی اور اس نے زرمبادلہ کے ذخائر کے حجم کو بنیادی طور پر مستحکم رکھنے کی کوششوں کے لئے مضبوط سہارا فراہم کیا۔