بیجنگ (شِنہوا) 2025 کے اختتام تک چین میں انٹرنیٹ صارفین کی تعداد 1.125 ارب تک پہنچ گئی جبکہ انٹرنیٹ کی رسائی کی شرح بڑھ کر 80.1 فیصد ہو گئی۔
چائنہ انٹرنیٹ نیٹ ورک انفارمیشن سنٹر کی جاری کی گئی رپورٹ میں بتایا گیا ہے کہ ملک کے صارفین اور صنعتی شعبوں میں تخلیقی مصنوعی ذہانت (اے آئی) ٹیکنالوجی کے استعمال میں وسیع پیمانے پر اضافہ ہوا ہے اور اس کے صارفین کی تعداد 60 کروڑ 20 لاکھ تک پہنچ گئی ہے۔
رپورٹ کے مطابق 2021 سے 2025 کے دوران چین کے انٹرنیٹ شعبے نے ’’نمایاں پیش رفت‘‘ حاصل کی جس کی وجوہات میں کوریج میں توسیع، اطلاق میں گہرائی اور تکنیکی جدت میں بہتری شامل ہیں۔