بیجنگ(شِنہوا)چین کی وزارت تجارت نے کہا ہے کہ عالمی سطح پر مشکل ماحول کے باوجود رواں سال چین کی غیر ملکی تجارت نے مستحکم نمو اور مضبوط قوت کا مظاہرہ کیا ہے۔
جنوری سے نومبر تک ملک کی درآمدات اور برآمدات کی مجموعی مالیت 412.1 کھرب یوآن (تقریباً 58.3 کھرب امریکی ڈالر) رہی جو گزشتہ سال کی نسبت 3.6 فیصد زائد ہے۔
وزارت کے ترجمان حہ یادونگ نے ایک معمول کی پریس بریفنگ کے دوران کہا کہ چین کی غیر ملکی تجارت چیلنجز پر قابو پائے گی اور عالمی اقتصادی اور تجارتی ترقی کے لئے مستحکم معاونت فراہم کرتی رہے گی۔
انہوں نے کہا کہ وزارت مقامی حکام اور دیگر متعلقہ سرکاری محکموں کے ساتھ رابطہ کرے گی تاکہ تجارت کو مستحکم کرنے والی پالیسیوں پر عملدرآمد کیا جا سکے اور ان کاروباروں کے لئے خدمات بہتر کی جا سکیں جو نئی منڈیاں تلاش کر رہے ہیں۔
درآمدات و برآمدات کی متوازن ترقی کو فروغ دینے اور سرحد پار ای کامرس جیسے نئی تجارتی طریقوں کی حمایت کے لئے بھی اقدامات کئے جائیں گے۔