بیجنگ(شِنہوا)چینی فوج نے فلپائن کو انتباہ کیا ہے کہ وہ جنوبی بحیرہ چین میں فوری طور پر اشتعال انگیزی کے واقعات بند کرے۔چینی پیپلز لبریشن آرمی سدرن تھیٹر کمانڈ کے ترجمان تیان جون لی نے جمعہ کے روز ایک پریس ریلیز میں کہا ہےکہ فلپائنی فضائیہ کے متعدد چھوٹے طیارے، چینی حکومت کی منظوری کے بغیر، غیر قانونی طور پر چین کے ہوانگ یان داؤ کی فضائی حدود میں داخل ہوئے۔تیان نے کہا کہ چینی بحری اور فضائی افواج نے متعلقہ قوانین اور ضوابط کے مطابق ان طیاروں کی سراغ رسانی ، نگرانی، انتباہ اور پُرعزم طور پر باہر نکالنے کے اقدامات کیے۔انہوں نے اس بات کا اعادہ کیا کہ ہوانگ یان داؤ چین کا ایک موروثی علاقہ ہے اور عہد کیا کہ تھیٹر کمانڈ کے فوجی ہائی الرٹ پر رہیں گے اور قومی خود مختاری اور سلامتی کے ساتھ ساتھ جنوبی بحیرہ چین میں امن و استحکام کا مضبوطی سے دفاع کریں گے۔