ایڈنبرگ(نیشنل ٹائمز) سکاٹ لینڈ کے ایڈنبرگ ایئرپورٹ میں آئی ٹی سسٹم کی خرابی سے فلائٹ آپریشن متاثر ہو گیا۔
ایئر پورٹ انتظامیہ کے مطابق پروازوں کی تاخیر اور شیڈول میں شدید خلل تاحال برقرار ہے، ہنگامی حالات کے پیش نظر متعدد پروازیں منسوخ بھی کر دی گئیں۔برطانوی میڈیا کا کہنا ہے کہ ابتدائی معلومات کے مطابق 27 جانے والی اور 11 آنے والی پروازیں متاثر ہوئیں، کئی پروازیں تاخیر کا شکار ہوئیں، طیارے رن وے پر روک دیئے گئے۔برطانوی میڈیا کے مطابق متاثرہ پروازوں میں کچھ بین الاقوامی پروازیں بھی شامل ہیں، کچھ گھنٹوں کی معطلی کے بعد پروازیں جزوی طور پر بحال ہو گئیں۔ایئرپورٹ انتظامیہ کا کہنا ہے کہ مسافروں کو ایئرپورٹ آنے سے قبل اپنی ایئر لائن سے رابطے کی ہدایت کی گئی ہے، ایئرپورٹ ٹیمیں مسئلہ مکمل حل کرنے کے لیے مسلسل کام کر رہی ہی۔انتظامیہ کے مطابق آئی ٹی سسٹم میں خرابی کا سبب کلاؤڈ فئیر نہیں، کچھ پروازوں کاراستہ تبدیل کر کے دیگر ایئرپورٹس پر بھی لینڈنگ کروائی گئی۔