سڈنی(نیشنل ٹائمز)آسٹریلیوی وزیر اعظم انتھونی البانیز اور جوڈی ہیڈن سے رشتہِ ازدواج میں منسلک ہوگئے ہیں۔
آسٹریلیا کے وزیراعظم انتھونی البانیز اور جوڈی ہیڈن کی شادی آج وزیراعظم کی سرکاری رہائش گاہ پر ایک نجی تقریب میں ہوئی، یہ پہلی بار ہے کہ کوئی برسرِ اقتدار آسٹریلوی وزیر اعظم اپنی مدتِ ملازمت کے دوران شادی کر رہا ہے۔وزیراعظم کی شادی کی یہ تقریب عوامی نہیں تھی بلکہ شادی میں صرف قریبی دوست اور رشتہ دار موجود تھے۔اس موقع پر ان کا پالتو کتا ٹوٹو بھی موجود تھا جوانگوٹھی کی حفاظت کی ذمہ داریاں سنبھال رہا تھا، تقریب میں دلہن خوبصورت اور نفیس سے سفید گاؤن میں نظر آئیں اور دُلہا یعنی وزیر اعظم نیوی بلوسوٹ میں ملبوس تھے۔تقریب میں موسیقی اور ایک خاص طور پر تیار شدہ شراب پیش کی گئی،تقریب، نجی اور ذاتی انداز کی تھی، کوئی سیاسی یا سرکاری تقریب نہیں تھی۔