صنعا(نیشنل ٹائمز) یمنی حوثیوں نے اسرائیل کیلئے جاسوسی کرنے والے 17 افراد کو پھانسی دیدی۔
عالمی میڈیا کی رپورٹ کے مطابق یمن کے دارالحکومت صنعا میں قائم خصوصی فوجداری عدالت نے 17 افراد کو سزائے موت سنائی تھی، جن پر امریکا، اسرائیل اور سعودی خفیہ اداروں سے منسلک جاسوسی کے نیٹ ورک کے اندر قائم جاسوسی سیل سے جڑے مقدمات قائم تھے۔میڈیا رپورٹ کے مطابق یمن کے سرکاری خبر رساں اداروں نے بتایا کہ عدالت نے 17 افراد کو پھانسی کی سزا سنائی تھی اور سرعام پر عمل درآمد کا حکم دیا تھا اور متعدد افراد کے نام بھی جاری کردیئے گئے ہیں۔عدالت نے ایک خاتون اور مرد کو 10 سال قید کی سزا سنائی جبکہ ایک اور شخص کو الزامات سے بری کردیا اور ٹرائل میں مجموعی طور پر 20 افراد شامل تھے۔مقامی میڈیا نے بتایا کہ پراسیکیوٹر نے الزام عائد کیا تھا کہ یمن میں موجود یہ افراد 2024ء اور 2025ء کے دوران دوسرے ممالک کے لئے جاسوسی کر رہے تھے، ان ممالک میں برطانیہ بھی شامل ہے۔رپورٹ میں بتایا گیا کہ اسرائیل کی خفیہ ایجنسی موساد کے اپنے انٹیلیجنس افسران مذکورہ یمنی شہریوں سے رابطے میں تھے اور ان کی اطلاعات کی بنیاد پر متعدد عسکری، سکیورٹی اور شہری مقامات پر حملے کئے گئے، جس کے نتیجے میں درجنوں شہری شہید ہوئے اور کئی عمارتیں تباہ ہوئیں۔امریکا اور برطانیہ نے بھی اکتوبر 2023ء میں غزہ جنگ کے آغاز کے بعد یمن کے مختلف علاقوں میں فضائی حملے کئے اور کئی شہری مارے گئے جبکہ حوثیوں نے فلسطینیوں سے یکجہتی کے طور پر اسرائیل اور بحیرہ احمر پر میں بین الاقوامی بحری راستوں پر پر حملے کئے تھے۔یمن کے حوثیوں نے گزشتہ ماہ ہونے والی غزہ جنگ بندی کے بعد حملے روک دیئے ہیں۔