وہاڑی (محمد یوسف بھٹی) ٹی ایل پی کے تمام سابق ٹکٹ ہولڈرز نے پارٹی سے علیحدگی کا اعلان کر دیا۔ تحریک لبیک پاکستان (ٹی ایل پی) کے وہاڑی سے تعلق رکھنے والے تمام سابق ٹکٹ ہولڈرز نے پارٹی سے علیحدگی کا باقاعدہ اعلان کر دیا۔ذرائع کے مطابق سابق ٹکٹ ہولڈرز راؤ محبوب، چوہدری شاہد, اسماعیل شاہ، محمد علی لنگڑیال، ذوالفقار ڈوگر،سلیم شاہ اور دیگر عہدیداران نے مشترکہ بیان میں کہا ہے کہ وہ اب پاکستان کے آئینی اداروں کے ساتھ مکمل اظہارِ یکجہتی کرتے ہیں اور ملک کی ترقی و استحکام کے لیے ہر ممکن کردار ادا کریں گے۔ اہلِ علاقہ نے ان کے فیصلے کو قابلِ تحسین اور دانشمندانہ قدم قرار دیا ہے۔ شہریوں کا کہنا ہے کہ شرپسند سوچ اور انتہا پسندی سے علیحدگی وطنِ عزیز کے حق میں بہترین فیصلہ ہے، جس سے وہاڑی میں امن و بھائی چارے کو فروغ ملے گا۔عوامی حلقوں نے توقع ظاہر کی ہے کہ دیگر شخصیات بھی ملک کے استحکام، امن اور اداروں کے احترام کے لیے اسی جذبے کے تحت اپنا کردار ادا کریں گی۔