نیویارک(نیشنل ٹائمز) امریکا کی ریاست الاسکا میں زلزلے کے شدید جھٹکے محسوس کیے گئے جن کی شدت 5.7 ریکارڈ کی گئی۔
غیر ملکی خبر ایجنسی کے مطابق زلزلے کی زیرِ زمین گہرائی 10 کلومیٹر بتائی جا رہی ہے، امریکی جیولوجیکل سروے کے مطابق زلزلے کا مرکز الاسکا کے جنوبی ساحلی علاقے کے قریب تھا جہاں شہریوں نے شدید جھٹکے محسوس کیے، خوف کے باعث لوگ گھروں اور عمارتوں سے باہر نکل آئے۔زلزلے سے اب تک کسی قسم کے جانی یا مالی نقصان کی اطلاع موصول نہیں ہوئی، تاہم آفٹر شاکس کا خدشہ ظاہر کیا جا رہا ہے، ریسکیو اور ایمرجنسی ٹیموں کو الرٹ کر دیا گیا ہے، حکام نے شہریوں کو ہدایت کی ہے کہ وہ غیر ضروری طور پر ساحلی علاقوں کی طرف رخ نہ کریں اور کسی بھی ممکنہ ہنگامی صورتحال میں فوری طور پر مقامی انتظامیہ سے رابطہ کریں۔