بوسان، جنوبی کوریا(شِنہوا)چین کے صدر شی جن پھنگ نے کہا ہے کہ چین کی ترقی اور احیا امریکی صدر ڈونلڈ ٹرمپ کے “امریکہ کو دوبارہ عظیم بنانے” کے تصور سے ہم آہنگ ہیں۔
انہوں نے یہ بات ٹرمپ سے ملاقات کے دوران کہی۔ چینی صدر گیونگ جو میں ہونے والے اپیک اقتصادی رہنماؤں کے 32ویں اجلاس میں شرکت اور جنوبی کوریا کے سرکاری دورے کے لئے بوسان پہنچے ہیں۔
چینی صدر شی جن پھنگ نے کہا کہ دونوں ممالک ایک دوسرے کی کامیابی میں مدد دے سکتے ہیں اور مشترکہ طور پر خوشحالی حاصل کر سکتے ہیں۔
انہوں نے کہا کہ چین اور امریکہ کو شراکت دار اور دوست ہونا چاہیے۔ یہی تاریخ نے ہمیں سکھایا ہے اور یہی موجودہ حالات کا تقاضا ہے۔
شی جن پھنگ نے مزید کہا کہ وہ صدر ٹرمپ کے ساتھ مل کر چین۔امریکہ تعلقات کی مضبوط بنیاد رکھنے اور دونوں ممالک کی ترقی کے لئے ایک مثبت ماحول پیدا کرنے کے لئے کام جاری رکھنے کو تیار ہیں۔