بنکاک(نیشنل ٹائمز) تھائی لینڈ کی سابقہ ملکہ و موجودہ بادشاہ کی والدہ سری کٹ 93 برس کی عمر میں انتقال کرگئیں۔
ملکہ سری کٹ خون میں انفیکشن اور کئی دوسری بیماریوں کی وجہ سے 2019 سے ہسپتال میں زیر علاج تھیں، ملکہ سری کِٹ اپنے شوہر بادشاہ بھومی بون ادیولیادیت کے ساتھ 7 دہائیوں تک ملک کی سماجی و ثقافتی زندگی میں نمایاں کردار ادا کرتی رہیں۔ملکہ سری کٹ اپنی خوبصورتی، نفاست، اور فیشن کے ذوق کے باعث بین الاقوامی سطح پر سٹائل آئیکون کے طور پر جانی جاتی تھیں، ان کی خدمات میں تھائی ریشم کی صنعت کے فروغ اور مقامی دستکاریوں کے احیاء کو خاص مقام حاصل ہے۔ملکہ 2012 میں فالج کے باعث عوامی سرگرمیوں سے کنارہ کش ہو گئی تھیں، ان کے انتقال پر تھائی شاہی خاندان اور درباری عملے کے لیے ایک سالہ سوگ کا اعلان کیا گیا ہے۔مطابق تھائی وزیرِاعظم انوتن چرن ویرکُل نے مادر ملکہ کے انتقال بعد ملائیشیا روانگی کا اپنا دورہ منسوخ کر دیا، جہاں اتوار سے منگل تک آسیان رہنماؤں کی سمٹ منعقد ہونی ہے، جبکہ کابینہ ہفتے کے روز شاہی تدفین کے انتظامات پر غور کرے گی۔صدرِ مملکت آصف علی زرداری نے تھائی لینڈ کی ملکہ سری کٹ کے انتقال پر اظہارِ افسوس کرتے ہوئے تھائی بادشاہ، شاہی خاندان اور عوام سے دلی ہمدردی کا اظہار کیا ہے۔صدر آصف زرداری نے کہا کہ پاکستان کے عوام تھائی قوم کے غم میں برابر کے شریک ہیں، پاکستان دکھ کی اس گھڑی میں تھائی عوام کے ساتھ ہے۔صدرِ مملکت نے مادر ملکہ سری کٹ کی خدمات اور وقار کو خراجِ تحسین پیش کیا۔