بلغراد (نیشنل ٹائمز) سربیا میں پاکستان کے سفیر جناب فراز زیدی نے آج بلغراد میں واقع پیلس آف سربیا میں ایک پروقار تقریب میں صدرِ سربیا الیگزینڈر ووچچ کو اپنی سفارتی اسناد پیش کیں۔ اس موقع پر سفیر نے گارڈ آف آنر کا معائنہ بھی کیا۔
صدر ووچچ نے سفیر فراز زیدی کا پرتپاک خیرمقدم کرتے ہوئے دوطرفہ تعلقات کو تجارت، تعلیم، محنت کشوں کی نقل و حرکت اور دفاعی تعاون سمیت مختلف شعبوں میں مضبوط بنانے کی خواہش کا اظہار کیا۔
اپنی گفتگو میں سفیر فراز زیدی نے پاکستانی قیادت کی جانب سے صدر ووچچ کو تہنیتی پیغامات پہنچائے اور سربیا میں پاکستان کے مثبت امیج کے فروغ کے عزم کا اعادہ کیا۔
