دبئی (نیشنل ٹائمز)کرکٹ کے میدان میں روایتی حریفوں پاکستان اور بھارت کے درمیان مقابلہ ہمیشہ دلچسپی کا باعث ہوتا ہے۔
حالیہ کچھ میچز کے نتائج پر نظر ڈالی جائے تو بھارت نے پاکستان پر اپنی برتری قائم رکھی ہے۔گزشتہ 3 سالوں کے اعداد و شمار کے مطابق دونوں ٹیموں کے درمیان ہونے والے5 ٹی 20 میچز میں سے 4 میں بھارت نے فتح حاصل کی ہے جب کہ پاکستان صرف ایک میچ جیتنے میں کامیاب رہا۔21 ستمبر 2025 کو دبئی میں ہونے والے ٹی 20 میچ میں بھارت نے پاکستان کو 6 وکٹوں سے ہرایا، اس سے پہلے 14 ستمبر 2025 کو بھی دبئی میں ہی کھیلے گئے میچ میں بھارت نے 7 وکٹوں سے فتح حاصل کی۔9 جون 2024 کو نیویارک میں ٹی ٹوئنٹی ورلڈ کپ کے دوران ہوئے سنسنی خیز مقابلے میں بھارت نے پاکستان کو صرف 6 رنز کے فرق سے شکست دی جب کہ 23 اکتوبر 2022 کو میلبرن میں ہونے والے میچ میں بھی بھارت 4 وکٹوں سے فاتح رہا۔دوسری جانب پاکستان نے بھارت کیخلاف اپنی واحد کامیابی 4 ستمبر 2022 کو دبئی میں حاصل کی تھی، جب اس نے بھارت کو 5 وکٹوں سے شکست دی تھی۔