اسلام آباد(نیشنل ٹائمز)190ملین پاؤنڈکیس میں عمران خان اوربشریٰ بی بی کی بریت کی درخواست سماعت کیلئے مقرر کردی گئی۔
اسلام آباد ہائیکورٹ میں 190ملین پاؤنڈکیس کے سلسلے میں بانی پی ٹی آئی عمران خان اوربشریٰ بی بی کی جانب سے درخواست دائر کی گئی تھی۔درخواست میں عمران خان اوربشریٰ بی بی کو 190ملین پاؤنڈکیس میں بری کرنےکی استدعا کی گئی ہے۔اسلام آباد ہائیکورٹ نے عمران خان اور بشریٰ بی بی کی بریت کی درخواست 25 ستمبر کو سماعت کے لیے مقرر کی ہے جس پر چیف جسٹس سرفراز ڈوگر اور جسٹس اعظم خان پر مشتمل ڈویژن بینچ سماعت کرے گا۔