اسلام آباد(نیشنل ٹائمز) سپریم کورٹ میں انتظامی سائیڈ پر فل کورٹ اجلاس 8 ستمبر کو طلب کرلیا گیا۔
ذرائع کے مطابق چیف جسٹس یحییٰ آفریدی کی زیر صدارت فل کورٹ اجلاس دن ایک بجے ہوگا جو صرف ایک نکاتی ایجنڈے پر مشتمل ہوگا اور اجلاس میں سپریم کورٹ رولز 2025 میں ترامیم کا جائزہ لیا جائے گا۔صدر سپریم کورٹ بار ایسوسی ایشن نے تحریری تجاویز سپریم کورٹ کو بھجوائی ہیں جن میں عدالتی فیسوں میں اضافے کی واپسی کا بھی مطالبہ کیا گیا تھا۔ذرائع کا کہنا ہے کہ تاحال کسی جج نے رولز میں ترامیم کے لیے تجاویز جمع نہیں کروائیں۔ذرائع کا بتانا ہے کہ سپریم کورٹ رولز 2025 سرکولیشن کےذریعے منظور کرائے گئے تھے اور کثرت رائے سے یہ رولز منظور کیے گئے تھے۔ذرائع کا کہنا ہے کہ اختلاف کرنے والے ججز کی رائے تھی کہ فل کورٹ اجلاس سے رولز کی منظوری کرائی جائے۔