کراچی(نیشنل ٹائمز)لانڈھی ایکسپورٹ پراسیسنگ زون میں ایک اور فیکٹری میں آگ لگ گئی۔
کراچی کے علاقے لانڈھی میں واقع ایکسپورٹ پروسیسنگ زون کی ایک اور فیکٹری میں آگ لگی تاہم 4 فائر ٹینڈر کی مدد سے آگ پر قابو پالیا گیا ہے۔فائر بریگیڈ حکام کے مطابق 4 منزلہ فیکٹری کی چھت پر موجود گتے کے رول میں آگ لگی تھی، آگ لگنے کی وجہ سامنے نہیں آسکی۔واضح رہے کہ گزشتہ روز بھی لانڈھی ایکسپورٹ پروسیسنگ زون کی فیکٹری میں آگ لگی جس سےخستہ حال ہوکر عمارت گر گئی تھی۔آگ لگنے کے بعد اور عمارت گرنے سےپہلے ، سینکڑوں افراد فیکٹری کے اندر موجود تھے ، جو اپنی مدد آپ کے تحت فیکٹری سے باہر نکلے ، جان بچانے کی کوشش میں 7 افراد زخمی ہوئے تھے۔