ویب ڈیسک( نیشنل ٹائمز)پاکستان ویمن فٹبال ٹیم کی عالمی درجہ بندی میں 3 درجے بہتری ہوئی ہے۔
فیفا ویمن کی جاری کردہ تازہ رینکنگ کے مطابق پاکستان کی پوزیشن اب 154 ویں ہے جو کہ گزشتہ رینکنگ میں157 ویں تھی۔اس پیش رفت کے ساتھ ہی پاکستان ویمن ٹیم کے رینکنگ پوائنٹس پہلی بار ایک ہزار سے تجاوز کرگئے ہیں۔ٹیم کے تازہ ترین پوائنٹس1007 ہیں جو کہ ٹیم کی کارکردگی میں نمایاں بہتری کی عکاسی کرتے ہیں۔یاد رہےکہ پاکستان ویمن ٹیم نےگزشتہ دنوں ایشین کوالیفائیر میں انڈونیشیا اور کرغیزستان کو شکست دی تھی۔