کراچی(نیشنل ٹائمز) پنجاب کالونی کے مکینوں نے پانی وبجلی بحال ہونے کے بعد 5 گھنٹوں سے زائد احتجاج ختم کردیا۔
احتجاج پنجاب کالونی میں واقع ایک بلڈنگ کے مکینوں کی جانب سے کیاجارہاتھا ۔ٹریفک پولیس کے مطابق احتجاج کے دوران پنجاب کالونی سے ڈیفنس موڑ آنے اور جانے والے دونوں روڈ ٹریفک کے لیے بند کر دیے گئے تھے تاہم اب احتجاج ختم ہونے کے بعد ٹریفک بحال کردی گئی ہے۔ مظاہرین کا کہنا تھا کہ جمعے کی صبح کے الیکٹرک کی جانب سےکنڈا مافیاکے خلاف کارروائی کی گئی ، اس دوران پی این ٹی کالونی کے مکینوں سے کے الیکٹرک عملے کا جھگڑا ہوا، جھگڑے کے سبب ہماری عمارت کی بجلی بھی منقطع کر دی گئی تھی۔
کراچی: پنجاب کالونی پر پانی اور بجلی کی عدم فراہمی پر جاری احتجاج ختم،ٹریفک بحال
