لکی مروت(نیشنل ٹائمز) خیبر پختونخوا کے جنوبی ضلع لکی مروت میں تھانا گمبیلا پر دہشت گردوں کے حملے کی کوشش ناکام بنا دی گئی۔
پولیس کے مطابق تھانے کی قریب دہشت گردوں کی نقل و حرکت بھانپتے ہوئے پولیس نے فائرنگ شروع کی۔پولیس کی فائرنگ سے دہشت گرد فرار ہوئے۔ حملے میں پولیس نفری مکمل محفوظ رہی اور دہشت گردوں کا حملہ ناکام ہوا ۔آئی جی خیبر پختونخوا ذوالفقار حمید نے کال کرکے لکی مروت پولیس کے جوانوں کو خراج تحسین پیش کی ۔ آر پی او بنوں ریجن سجاد خان کے مطابق دہشت گرد حملے سے نمٹنے کے لیے پولیس فورس پہلے سے الرٹ اور جدید ٹکنالوجی سے لیس ہے۔