پشاور(نیشنل ٹائمز) پشاور ہائیکورٹ نے سانحہ سوات سے متعلق درخواست پر تحریری حکم جاری کردیا۔
پشاور ہائیکورٹ کی جانب سےجاری تحریری فیصلے میں کہا گیا کہ پروونشل انسپکشن ٹیم کے چیئرمین عدالت میں پیش ہوئے اور بتایا گیا کہ 7 دن میں تحقیقات مکمل کرکے رپورٹ جمع کی جائے۔عدالت نے حکم دیا کہ سانحہ سوات پر جامع رپورٹ 14 روز کےاندر جمع کرائی جائے، عوام کے تحفظ کےلیے اداروں کےاقدامات سےمتعلق رپورٹ بھی جمع کرائی جائے اور ایڈوکیٹ جنرل بھی رپورٹ جمع کروائیں۔عدالت نے حکم دیا کہ ایڈیشنل اٹارنی جنرل، سول ایوی ایشن اتھارٹی رپورٹ جمع کرائیں کہ 2 ہیلی کاپٹرزکی موجودگی کے باوجود ان کا استعمال کیوں نہیں کیا گیا؟