جکارتہ (شِنہوا)انڈونیشیا کے صدر پرابوو سوبیانتونے کہا ہے کہ ان کا ملک چین کے ساتھ مل کر بحری مشترکہ ترقی سے متعلق اتفاق رائے کو عملی شکل دینے کو تیار ہے۔
ان کا یہ بھی کہنا تھا کہ انڈونیشیا چین کے ساتھ مل کر بحیرہ جنوبی چین میں ضابطہ اخلاق پر مشاورت کو تیز کرنے اور خطے میں امن و استحکام کو مشترکہ طور پر برقرار رکھنے کے لئے تیار ہے۔
پرابوو نے یہ بات چین کے وزیر اعظم لی چھیانگ کے ساتھ بات چیت میں کہی جو انڈونیشیا کے سرکاری دورے پر ہیں۔