اسلام آباد (نیشنل ٹائمز) فرانسیسی خبر ایجنسی سے گفتگو میں یمنی سکیورٹی ذرائع نے بتایا کہ یمن میں ہونے والے امریکی فضائی حملوں میں القاعدہ کے 9 ارکان بھی مارے گئے ہیں۔رپورٹ کے مطابق سکیورٹی ذرائع کا کہنا تھا کہ امریکی حملوں میں ہلاک ہونے والوں میں القاعدہ کا مقامی رہنما بھی شامل ہے۔امریکا نے جمعے کی شام یمن کے شمالی علاقے میں فضائی حملے کیے تھے۔واضح رہے امریکا نے رواں ماہ کے آغاز میں یمن کی حوثی اکثریتی تنظیم انصاراللہ کے ساتھ سیزفائر کا اعلان کیا تھا۔انصاراللہ فلسطینیوں کی حمایت میں بحیرہ احمر میں اسرائیلی اور اس سے متعلقہ جہازوں پر حملے کر رہی تھی۔