بیجنگ(شِنہوا)چین کے اعلیٰ انٹرنیٹ ضابطہ کارنے کاروبار اور کاروباری افراد کو نقصان پہنچانے والی آن لائن بدنامی، بھتہ خوری اور بدنیتی پر مبنی تشہیر سے نمٹنے کے لئے 2 ماہ کی طویل ملک گیر مہم شروع کردی ہے۔
جمعرات کےروز مرکزی سائبر سپیس امور کمیشن کے دفتر کی اعلان کردہ اس مہم کا مقصد ملک کی اعلیٰ معیار کی ترقی کے تناظر میں ڈیجیٹل ماحول کو صاف کرنا اور ایک مثبت کاروباری ماحول کا فروغ ہے۔
اس اقدام میں نام نہاد بلیک ماؤتھس، آن لائن اکاؤنٹس یا ایسے بااثر افراد کو ہدف بنایا گیا ہے جو منافع یا فائدہ اٹھانے کے لئے اداروں سے متعلق غلط یا نقصان دہ مواد پھیلاتے ہیں۔
اہم مسائل میں مصنوعات کے معیار یا قیمت سے متعلق منفی دعوے گھڑنااور نقصان دہ پوسٹس کو ہٹانے کے عوض رقم کا مطالبہ شامل ہے۔
حکام نے خاص طور پر مصنوعات کے آغاز یا سٹاک لسٹنگ جیسے حساس کاروباری مواقع کے دوران عوامی نگرانی کے بھیس میں آن لائن اثر و رسوخ کے غلط استعمال کی بھی نشاندہی کی ہے۔
یہ مہم عوامی اعداد و شمار کی بدنیتی پر مبنی ہیرا پھیری، آن لائن دھوکہ دہی، غلط حوالہ دینے اور کاروباری رہنماؤں کی پرائیویسی کی خلاف ورزیوں کے مسائل کو بھی حل کرے گی۔